واوات الشحات
=======
خليك كريم فضله سابق
وإعطي لغيرك ما تبخل
لو مهما هتعيش مفارق
وخيرك ده هو اللى يفضل
==========
سيدنا النبي لينا نبراس
كَرَم إو فضيلة وعَطِيَّة
الصدقة عنوانه وأساس
لخصاله خَير البرية
==========
علِّمنا سيدنا النبي الغالى
إن الأيادي العلِّية
أفضل 200 مرة مِالخالي
اللى بياخد العطيَّة
==========
أمَر النبي الخلق بالجود
طول عُمره كان لينا قدوة
عُمره ماكان فضله محدود
ده كمان عمل لينا فَدوة
==========
ضحَّى النبي بكبشين
اتنين مش بس واحد
واحد عن آل ياسين (أهل النبي)
وِلِغلابة الأمه واحد
==========
لينا أُسوة حسنة فى طٓه
في أخلاقه وكمان في جُوده
ورا كل خطوة خطاها
وفي شرعه وكمان حُدودُه
==========
مصطفى الشحات
ليست هناك تعليقات:
إرسال تعليق