(إدوني أمل)
---------
إدوني قلم
أكتب بيه جواب
للي نساني الألم
والآه والعذااااب
*
إدوووني ريشه
أرسم بيها حجاب
يحلي المعيشه
ويمنع الخصام والعتاب
*
إدوني ورقه
أشتم فيها غراب
تجيله شرقه
وأسمع إنه تااب
*
إدوني أستيكه
أمسح بيها حرف عاب
وأخليه تبريكه
وشوية حب للأحباب
*
إدوووني فرصه
أقراالكم سطر بكتاب
مكتوب بحاسه
تستاهل ألف إعجاب
*
إدووني أمل
أعمل شوية ثوااب
وإللي حصل
زمان نعتبره غااب
*
إدووني عمر
وأنا أطلع للسحاااااب
وإدوني فكر
أعمل دهب م التراب
*
إدوني نفس
أرجع تاااني شباب
لكن بس
إزاي والشعر شاب
*
لكن إزااااي تدوني
وأنا دارس
عربي وحسااااااب
وشاايف بعيووني
ان لكل إنسااااان
له رزق ومنااااب
*
إدوني قلم
أكتب بيه جواب
للي نساني الألم
والآه والعذااااب
-----------
وكل عام وانتم بخير
وللقصيده فيديو على صفحتى
الخال عصمت البيلي
ليست هناك تعليقات:
إرسال تعليق