شيال وشايل حمول
الدنيا بكتافي
شيال وشايل هموم
ربك هو الكافي
والقلب لو معلول
ربك هو الشافي
اللطف منه جلي
ولطف ياخال خافي
شيال ودي مهنتي
من نص قرن ياخال
اقابل خلايق وافارق
وكل لحظه بحال
لا لي سند ولا ضهر
الا كيير متعال
ع الرصيف تلاقيني تناديني
اقول جاي لك يا نور عيني
وراضي بالمقسوم بدنيتي وديني
شيال وشايل حمول
ياخال ما تتقدر
عجوز وقلبي صبي
وعرقه مسك ولافندر
شايل هموم لا تتقدر
وراضي بالمقسوم
وليله نهاره بيفكر
بقدره والمحتوم
ودنيا رديه ومعانده
لم تراضي يوم
حامد شاكر ولا مره
يجحد فضل رب كريم
يقول بكره هتتعدل
ربي بعباده رحيم
ولا يكشر ولا يعفر
وليله نهاره يستغفر
من ذنب يوم ارتكبه
يناجي ربه بكل خشوع
يناجي رب بر رحيم.
تزول اوجاعه ومتاعبه
ولا يشكي ولا يبكي
وبسمه وشه بتزينه
شيال شيال شيال
كلماتي يحيى ابراهيم محمد
الصوره للفنان محسن ابو العزم
ليست هناك تعليقات:
إرسال تعليق