يا خير الله
يا خير الله ده مين يقدر ؟
يزيلك م الوجود في الكون
ده ربك في الوجود أكبر
وسره بين الكاف والنون
ومين قال إن عمل الخير ؟
يكون للي عملهولك
ده حتى لو أساء الغير
يكون خيرك سابق قولك
ومش شرط أما تعمل خير
يكون لفقير ويستاهله
يجوز الخير يا أهل الخير
في أهله واللي مش أهله
ده رب الكون بيغفر لي
وياما ذنوب بيمحيها
ونفسي تميل ويمهلني
وبالحسنات يزكيها
يمين الله يا أهل الخير
لو إنتوا تزودوا ف خيركم
تروح الآه وتلقوا كتير
يزيد الود ما بينكم
ده حب الخير مالوش آخر
وأرزاقكم بإيد الله
يا بخته اللي يكون شاكر
ويتباهى بخير الله
يا بخته اللي يكون شاكر
ويتباهى بخير الله
بقلمي / جمال زكي عينر
ليست هناك تعليقات:
إرسال تعليق