فاتوا اليومين
وانت بعيد عن حيينا
وهواك ما طاف
ليلة يصبر دمعنا
يا اللي بهواك
بحسب ثواني عمرنا
م تقول لنا
امتى اللقا ؟
يا اللي معاك راح قلبنا
فاتوا اليومين
وانت هناك واحنا هنا
والدمعتين
متغربين فوق خدنا
وبتشكي بُعدك عننا
فاتوا اليومين
وكأنهم ..مليون سنة
وغلبت ف البعد أشتكي
من اللي فاتنا لوحدنا
وحكايتي قصه بتتحكي
للي انكوى... يوم زيينا
فاتو ا اليومين من عمرنا
وانا لسه.... بااحلم بالهنا
وايدين حبيبي ..تضمنا
ايه ذنب.. قلبي ودمعته
تطفي بإيدك..... شمعته
وانت الوحيد اللي هواه
واختار ....طريقه وسكته
م تقول لنا .....ايه ذنبنا ؟
يفرح عزولنا ....ف قلبنا
وانت الحبيب اللي معاه
طوق النجاه وكاس الهنا
فاتوا اليومين
وكمان يومين
وفات... معاهم... صبرنا
وانت هناك عايش سعيد
واحنا.. بنتألم..... هنا
فاتوا اليومين
وكمان يومين
وانت.. ما همك.. جرحنا
يا تعود لنا
ويعود معاك
قلبي اللي حبك مطرحه
يا تقول لنا
ايه ف الحياه
ممكن ف بعدك يفرحه
يا تقول لنا
بعد اليومين
هتروح لفين
ولفين ....هتاخد قلبنا
*******************
رضا ابوالغيط
ليست هناك تعليقات:
إرسال تعليق