انا لسه حافظ الراديو
وألف ليله زمان
أفكار بابا شارو
محمد محمود شعبان
كان لسه عودي أخضر
في براعم الإيمان
كان حلمي أبيض وإسود
ياسنين بقت ألوان
لسه فقلبي مكان
لكل اللي كان يا زمان
اصحابي ف الكُتاب
وعصاية شيخي الخرزان
آه يازمان قشاش
في سُرعتك معمي
كانت شنطه توبها قماش
من صنع ايد امي
ايديها علي كتفي
دلوقتِ ليه ياسنين
حملتي علي كِتفي
دلوقتِ انا كفي
مايكفي احفادي
ياسنيني ماتكفي
عجزتي اولادي
ولسه روحي هايمانه
بحلمي في الملكوت
تنده لعيل جوايا
بنفس ذات الصوت
يلعبوا استغمايه
ورا شجر التوت
انا لسه عيل لكني
عجزت وعلي وشَك الموت
ليست هناك تعليقات:
إرسال تعليق