هتروح وترجع
ياللي غاوي سكتك
هتلاقي مين
بعد الغياب
التوهه تملك خطوتك
ريحه عطن
جوه السنين
صعب المكان
وأزاي هيحضن فرحتك
والحضن مليان بالأنين
صعب المكان
من غير أصول
كل الصور تنعي الحنين
كانوا هنا أحضان حبايب
يا أيها الأبن اللي غايب
تلاتين سنه مستنيين
ياحضن مشتاق للدفى
ياروح بتحلم باللقا
يادموع عينيا يا كدابين
هتروح وترجع
بس طالت غربتك
كل السكك بتنكرك
نفس الصدى صوتك
بينده نفس الصدى
ويرد مين
ليست هناك تعليقات:
إرسال تعليق