أبو مليون وش
كنا زمان نقول ده بوشين
اهه جالك اللى بمليون وش
كداب منافق يحلف بيمين
ونقول عليه دايما بيغش
ده الوقت بقى كداب غشاش
والصلاه عمره مابيركعهاش
وعايش حياته كده ببلاش
نصاب تلاقيه وكلامه بكاش
ولامه وابوه ولاهله مجاش
لابيود فى يوم ولا تستناش
فى الاستغلال مابيتوصاش
لما يعوزك تلاقيه ف بوزك
خلص صورته مابتشوفهاش
يحب كل شئ ببلاش
كداب خداع ملاوع نتاش
على كل لون عنه ماتوعاش
يشوفك لا يوقف عند ظروفك
واخد ف وشه تقول قشاش
ابعد عنه وحرص منه
مهما يقول كلمه ماتصدقهاش
معجون بمية كدب وايه
تشوفه تقول ده سعادة البيه
اصلا ما يساوى ربع جنيه
فى سوق البشر هو مايسواش
كلامه يحط عليه سكر
تسمعله تقول اشطر واشطر
وبحجته يقنع كل الناس
لابس مية وش مايتوصاش
لماتشوفه حرص منه
ولاتتعامل معاه اكمنه
مهما حيكدب ولا يألف
هايبان وتقولى انا ماارضاش
مش هاتعامل وياه تانى
كداب فى كلامه وأنانى
كلمه بقولها وعلى لسانى
اصله على الصدق ماترباش
راوية حسن
ليست هناك تعليقات:
إرسال تعليق