منال النبوى
وعلى مهلك
بتتباهى بغباء جهلك
وفاكر نفسك إنت الطب
ولا فيه حد يستاهلك
و على مهلك
ياعايش وهم على أدك
فى بعدى ياما طال عدك
بتتمنانى أرجعلك
وعلى مهلك
ابراهيم شيمر الجندى
مشاعرى ازاى ليكى اوصفها
وقلبى عاش معاكى محروم
لـــــو اتكلم مابشبع لوم
ولـو أسكت الاقى جنون
زهـقـت وعشرتـك مــــره
سبينى الاقى قـلب حنون
منال النبوى
ماسيبتك قولى راجع ليه
نسيت قلبك ياعينى عليه
وجاي دلوقتى بتقول إيه
بتتكلم بصوتك عالى
بتحلم انى اقول غالى
بتكتب فيا ابيات شعر
وفاكر ان هاسمعلك
واحن إليك أو أرجعلك
ياخاين حتى فى مشاعرك
ولا حاجه هاتشفعلك
ولا ليك سعر
ابراهيم شيمر الجندى
واقول انساك
وانسا كـلام الحب معاك
واريـح قـلبى مـن حـبك
عشان قلبى تعب ف هواك
ياواخـد عـلى الاسا ديمآ
وناسـي الــود والاشــواق
عـشان بعـدك واهــمالك
انا هـنساك
منال النبوى
هتنسانى؟
خلاص وتسيبنى وحدانى
وتنسى قلب صان الود
وإنك نبض وجدانى
اخدت خلاص قرار بالبعد
خلاص راح تنسى عنوانى
وهاتخون الوفا والعهد
وانا أتغرب فى أوطانى
بتقتل ذكرى عمر الورد
هاتنسى شدو ألحانى
طب إبعد عنى لو تقدر
تعيش من غير ما تلقانى
و إنسانى؟
ابراهيم شيمر الجندى
ومنساش ليه
وانت دبحـت قـلب حزين
وسـايق فـى الاسـا قـلبك
وناسى سنين وذكرى حنين
خـلاص قـلبى بقـا رافضك
ورافـد كـل افكـارك
عـشان غـدرك واهـمـالـك
انا هـنساك
ليست هناك تعليقات:
إرسال تعليق