(( النخلة ))
الخير والعطاء الدائم
يا طالع النخله .. وش الوطن أحلا
بوس لي خدود الزين .. والرمش والكحله
عاشقك يا مصريه. .. والحب دا غيّه
وحضنك الدلفي .. انا اللي بيه أولي
............
يا طالع النخله. .. سلم لي عالنحله
وخد معاك ورده. .. طعم العسل يحلا
ويالا هيلا هيلا .. عالكوبري توصيله
وعالكتاف شيله .. نعدلها لو مايله
................
يا طالع النخله .. تكمّل الشّغله
خللي البنا يعلا .. الرحله مش سهله
عايزه عرق صبّاب .. وحب م الاصحاب
وزي ماهي قايله. .. بلدك يا واد هايله
...............
ياطالع النخله. .. بالناي وبالطبله
ومصر عالموال .. معزومه في الحفله
مصر الهرم والنيل .. والميّه السلسبيل
والشمس دفايه .. وحبيبتك الضلّه
......
اشعار / عزت عبد العال .. طنطا
ليست هناك تعليقات:
إرسال تعليق