ببص بمرايتى لاقيت شعري
الأسمر شاب
شعري الأسمر شاب
وأنا لسه شباب
.................
دموعي نزلت على خدي
لا قتني بفتكر سنين الشقى والعذاب
الصاحب الندل
الصاحب الندل لقيته وقت الشدة
فص ملح وداب
ما خلاص معتش عندي فلوس
لا بخزنه ولا بضلفه دولاب
وقعت من طولي ولا حد
خد بإيدي خد من الأهل والأحباب
مخوخ من جوايا
كأني جزع مسوس بعود غاب
هابعد عن الندل
وكل من ساب ايدي ساب
الندل هيفضل ندل
خسارة فيه الملامه والعتاب
الندل قدامك والي من أولياء الله الصالحين
وهو ديب مفترس بأنياب
عامل فيها شيخ وهو شيخ منصر وزعيم إرهاب
لسانه بينقط شهد وهو والله العظيم كذاب
الندل والله من لحمي ودمي
كان ناقص أفرم له كفته وكباب
مطمرش فيه وولا بيا حس كأنه ضلفه باب
عجب العجب عملي بلوك
من الفيس والماسنجر والواتس أب
ندل يغور فى ستين داهيه
ويبقى يلطشه قلاب
ودمه يسيل على الأرض كأنه عناب
الندل عمال يتنطط زي القرد وكمان السنجاب
أخيراً إكتشفت انه لا يعرف الخشى
ولا يعرف قوله عاب
بإيدي خربت بيتي وبقى كوم تراب
ساعة الشدة الأندال بعوني
وبقيت بالنسبة لهم وهم وسراب
بعد ما كنت بالنسبة لهم صقر
بقيت بالنسبة لهم غراب
ليست هناك تعليقات:
إرسال تعليق