((زمن الفهلوه))
الكل بيفتي .... برييه ياختي
بقا فى الدين اهو عامل مفتي
واللي كتب حرفين ويجاهر
ويقول وسع بقا للشاعر
أنا ترتيبي بيجي الآخر
عمري مقلتش حامد شاعر
واللي بيوصف للعيان
دوا وبيخلع ضرسه كمان
واللي محامي يدافع عنك
من غير وعي يا سيدي اكمنك
صوتك عالي وعايش سنك
واللي مهندس يرسم بيت
ولا ينفعش إذاي وياريت
انا متلخبط وهدومي شقيت
م الأحوال بالدمع بكيت
نجيب م الآخر كده بالراحه
وسع صدرك نور عقلك
كل علوم فوق منها عليم
قال لنا رب الكون دا كريم
خليك ف اللي بتعرف فيه
علم تخصص راح تلاقيه
اوعاك تفتي خلاص وتهجص
فى موضوع مش علمك بيه
سامع يا إبني شوفت يا بيه
أنا اولكم وم ليش دعوه
وكل كلامي انا قلت عليه
من عمايلكو يا ناس بورييه
(حامد شريفه )
ليست هناك تعليقات:
إرسال تعليق