بحور الشعر عطشانة
للحظة صدق للملايين
يقولوا قلوبنا عمرانة
واهي خالية مالصادقين
كفاية كلام جوانا
محبوس بقالوا سنين
نقول كلام ونحكي
عكسه ومصدقين
يالحظة صدق مخنوقة
هدي السور
ليه تعيشي مسحولة
واتخلقتي نسور
وليه ترضي بالضلمة
وبحريتك تلاقي النور
ياكلمة حق شوفي الجور
ليه ليكي بديل بالزور
ليه تعيشي عرجانة
وبصدقك تكوني حور
أيامنا لوتطول ماتطول
خلصانة ولو أيامها بحور
ياكلمة حق الأصل تصول
وتعلي الصوت وتجول
ياشمس خير جوانا
كفاية قصور
ده لسان الصدق بالآخر
أكيد منصور
ليست هناك تعليقات:
إرسال تعليق