( بحلم )
بحلم والحلم أمالي
واسهر وانا كلي حنين
وارجع أفتح من تاني
واشتاق وانا قلبي حزين
ياحبيب الروح ياكويني
يامسهر قلبي وعيني
بشتاقلك يالي نسيني
بطلوع الروح والعين
دا غرامك نور بستاني
وبعدك ده سبب ف جناني
دانا اموت لو قولت انساني
انا الاقي زيك فين
بدعي ويحسن ظني
وانا اشيلك جوه النني
عسلي وعيونك بني
دانت مامنكش اتنين
انا هاصبر تاني وتاني
ياتقيل يابو قلب اناني
ارجع ياحبيبي عشاني
دانا عمري كله انين
محتار ومحير بالي
يصعب علي قلبك حالي
كان مالك بس ومالي
ياسيبني شهور وسنين
بكتبلك كل اشعاري
بدموعي ولهفة ناري
وحدك شاغل أفكاري
ارحم قلبي المسكين
بحلم دايما ومعايا
وخيالك طيفه ورايا
افرح تفرح ويايا
ونشرب كاس العاشقين
بحلم والحلم أمالي
واسهر وانا كلي حنين
وارجع افتح من تاني
واشتاق وانا قلبي حزين
...............
فراج خشبه
ليست هناك تعليقات:
إرسال تعليق