دقي يامزيكه حسب الله
يامشا الله عليك الف مشاالله
دايما بتشارك افراحنا
في سبوع وطهورنا
وفي نجاحنا
لا تقول لي بيتهوفان وشوبان
عمك حسب الله ده واد فنان
حسب الله عسكري متنور
وقليبه بالفن منور
علي ساكس بيضرب الحانه
وترومبيت فنان وجنانه
كان سابق عصره وازمانه
علي طبله ورق يجمعنا
الحانه الحلوه يسمعنا
وحق المولي اللي جمعنا
سمعنا كمان ونقول يلا
معجون بالفن ومزيكا
بعد الفن ما صار بولوتيكا
والات نحاسيه تهنيكا
فيها الانغام هله وطله
في سبوع المولود تلاقيهم
في نجاحه دوغري نناديهم
في الزفه يزفوا عرايسنا
والاجره وغدو تكفيهم
حسب الله وفرقه تمتعنا
من قرن وحبه تسمعنا
مزيكا تضيع مواجعنا
تفرح قاره واهاليهم
دقي يامزيكه حسب الله
وصاجات ف الكف مع دهوله
ساعه ما تهل ياحسب الله
مزيكا تمتع اسماعنا
من بعد الفن ما حمعنا
من بعد ما حمو الواد بيكا
وف داهيه راحت مزيكا
ومسحتوا الفن باستيكا
دقي يامزيكه حسب الله
ليست هناك تعليقات:
إرسال تعليق