همسات الوجدان
.............
علشان بينى وبينك .. مسافات
قربت عليكى .. وندهتك
ولقتنى باعيش المدادية
فى همسك ....... ليا
غمضت عنيا ... وكلمتك
حسيت بهواكى بحنيه
وعشقت حروفك ورسمتك
أجمل صورة جوه عنيا
بروازك فضى ومتعلق
على شباكى
وأنا كل مايوحشنى هواكى
أرمى شباكى .. جوه عيونك
أصطاد ... رمشك
وياخودنى حنينى لهواكى
أعشق .. همسك
وياخودنى هواكى ويحدفنى
فى شط حنينك
أعشق عمرى .. وكل سنينك
علشان بينى وبينك مسافات
وحشانى حروف الملاغيه
لما باشوفك واسمع صوتك
على قد ما بفرح بلقاكى
باكره وبخاف لحظة هجرك
واااموت واغير فى حجات .. وحجات
علشان بينى وبينك .... مسافات
...............................
فارس الكلمة
الشاعر
حسن السحماوي
ليست هناك تعليقات:
إرسال تعليق