القصيدة
مش حبة حروف متشبكه
متستفه مرصوصه
في حارة مرور
ولا قافيه حلوه كويسه
و وزنها خالي الكسور
القصيده ...رسم قلب
فيها نبض وضغط دم
يكون طبيعي ف العروق
ينزل يطرطش ع السطور
القصيده... عايزه فِكر
كلامها لازم يبقا بِكر
ع اللي داير من شعور
القصيده ....دم حامي
يكون محامي يكون غيور
تبقا ملجأ للكُبار والصُغار
لوكات إناث أو كات ذكور
وقبل تحليل الكلام
لازم صيام
والعينه من عقل خالي م الغرور
يعرف أمور كل البشر
لو غمو عينه يقول فشر
أنا قلبي مليان بالنظر
للحبيبه والحبيب
طريق وجاهز للعبور
....................
الشاعر عصام رمضان جمعه
ليست هناك تعليقات:
إرسال تعليق