مبقتش فارقة
أفضل معاكم أو مفارقة
حتى السلام مبقاش يفيد
ولا فارقة من غيره المضايقة
مش كل متبسم حبيب
ولا كل واجم قصده فُرقة
ولا كل من سافر غريب
دي معاني مقلوبة الزمن دة
بقت الوشوش متبسمة
ووراها جوه القلب غل
سكينة مغروسة في ضهورنا
وفي الوجوه بيهدونا فل
فين المحبة الصافية بينا
والنية حَسَنة بتتغزل
وقلوب بتملاها المودة
فين المودة إللي إتنست
وقلوب حبيبة بدقة واحدة
دا كان زمان
وداب معاه كل اللي كان
في القبر وحنين إندفن
مفروش في بابه ألف وردة
مبقتش فارقة
بقلمي
أ.مشيرة النقيب
ليست هناك تعليقات:
إرسال تعليق