الأولة
يا وجع الناس بقت مش ناس
والثانية
عشش ف احلامنا هوي الخناس
والثالثة
ضاقت صدورنا من أدين تتباس
والرابعة
جالنا الكورونا والجميع محتاس
والخامسة
زعق الغراب الاسود مع النسناس
ما عدش خط لقلم ولا حتى ضربة فاس
السادسة
كان غضبه سبحانه ما لهش مقاس
قفل بيوته ف وش الكل بالترباس
السابعة
هدموا البيوت ولا عدش حتى أساس
يا رب توبة ترضييك عننا وسماح
تفك بيه كربنا ف صباحك الفتاح
يارب
بقلمي
ناهد الموجي
شاعرة مصرية
ليست هناك تعليقات:
إرسال تعليق