بعض الشر بـيقلب خير
وسهم الغدر يقصد غير
و سر ينـجى إعلانه
فمن غير قصد تضغط شير
و بعض الظن فجأة يصيب
و تلقاه صورة طبق الأصل
وكام واحد حلف لـيسيب
فـخاب ظنه و زاد الوصل
و بعض البعض بـيعوض
غياب البعض بوجودهم
كتير م الخلق تعرفهم
وفجأة غيروا جلودهم
وانا ما عرفش ليه باقي
علي اللى إترجعوا في عهودهم
لا زيفهم هز إخلاصنا
ولا كمم و أخرسنا
ولا أقنع و قرطسنا بالمداري في صدورهم
ليست هناك تعليقات:
إرسال تعليق