فلا ش باك إرجع بالذكري
الصوره بتتكلم عن بلدي
زمان ياالف خساره عندي
عندي مليون حدوته لبلدي
فسرلي صورة الإنسان العرقان والشقيان
كان غيطنازمان وحلم اولادنا جوه البستان
كان الفرح بيطرح ود في الأوطان
وكام زغروته وصحن القوطه وبدنجان
فرح بجد يوم مابنحصد والابنجمع
فرح العصافيروياالطيرمع الإنسان
فيهاالبلبل وياالهدهديسجد فرحان
فيهاالغله حصادك والله تبات قنعان
تصوم وتصلي سنه وفرض للرحمن
فيها عرقنا وياشقانا تبات شبعان
شفت النخله بتطرح توت
شفت جريدها العالي والنبوت
تمر حنه وتوت يسمع حتي أنين الصوت
فيها حمام اكبر زجال وهديل الصوت
طبق النوروبنات قمرات قول شربات
وحتي المزن يعدي يبعت سلامات
بيرش عطور تغسل فى الزرعات
فلاش باك صورذكري وعبري للأجيال
صوره جديده عندوغيره الإنسان إتغيرصورته
بياكل دولسي وحلة محشي
يجي ينام هجر الأرض وبص لغيره
يطير دبابير واعشاش البوم عند أجيره
الصوره اتقلبت وضمير مهجور
ولاعاد ضي حتي النور
سكه مطبات وأنين زفرات
علي صدر القوم بنين وبنات
وفراش النوم مكتوب بالنول
تقلع مركوب وهدوم أيوب
تتغدي بطوب والزير مقلوب
إضحك دايما صورتك حلوه،
صورصوره قول يازمان
إحكي الحلم وسنين العلم
حلم الجدعان بدله وفستان
جوه الصوره مفيش جعان
إحكي ياسلطان جوه الصوره
قول للشغاله ولاأيد بطاله،
قلوب شغاله وتروس الأله
بكل أصاله بره وجوه ع السقاله
خدلك صوره مش مكسوره
شوفوا بلادنا جوه الصوره
والله بلادنا ماكانت مهجوره
قوى الحلم وياالعلم تحلي الصوره
تصلب عودنا جوه الصوره
مصرجميله وشعب أصيل
لازم يرسم صوره تعبر
شعب وجيل أصل الصوره
مادنه ونيل وشعب أصيل
قادر يرسم حلم جميل
بس يبص ويرجع لحظه
فلاش باك كله جميل
ليست هناك تعليقات:
إرسال تعليق