السبت، 5 أكتوبر 2019

حبايب ع الورق ......................للشاعر ‏السعيد اللفاف‏

ربما تحتوي الصورة على: ‏‏شخص واحد‏، و‏‏يبتسم‏، و‏‏‏خطوط‏ و‏لقطة قريبة‏‏‏‏‏ربما تحتوي الصورة على: ‏‏شخص واحد‏، و‏‏يبتسم‏، و‏‏نص‏‏‏‏

حبايب ع الورق

*** *** *** ***

الحلم منا بيتسرق

مش خافى باين

والحب بيّنا بيتخنق

وغريبه هاين

ووصلنا سكه مفترق

ماحركنا ساكن

ايه اللى متبقى لنا

وعلي ايه نراهن ؟

هدينا كل اللى اتبنى

ونسينا حتى اسمنا

سلمنا روحنا للضنا

صيرنا رهاين

ولاحد فينا انتفض

ولا حد فينا يوم رفض

وكأن دا كان مفترض

سيبنا حياتنا للصدف

واّدى النتيجه للاسف

ضاع مننا طوق النجاه

تاه كل واحد فى اتجاه

لاصراخ شفع ولا حتى اّه

اّن الاوان نعرف حقيقه اللى كان

واّهى مرة واحد نتفق

كنا حبايب للاسف

لكن حبايب ع الورق

*** *** *** *** ***

اطيب تمنياتى

السعيد اللفاف

في

ليست هناك تعليقات:

إرسال تعليق

الاشتراك في: تعليقات الرسالة (Atom)

فن البوستات كمال العطيوى