وشوش للبيع
معايا وش ياهانم ومعايا وش يابيه
معايا وش طيب وفى ناس شاورت عليه
معايا وش ميت ومات الضمير فى إيديه
معايا وش شيطان الشر باين فى عنيه
وكمان فى وش ملاك محدش شاور عليه
وفى وش محروم وكمان وش مظلوم
وكمان وش بيضحك و الدمع مالى عنيه
وكمان فى وش حرامى وعامل فيها بيه
معايا وش ياهانم ومعايا وش يابيه
قرب هنا وأختار أوعى فى يوم تحتار
قرب إشترى وش أوعى تخاف وتكش
شاور عليه بإيديك تلاقيه لايق عليك
معايا وش ياهانم ومعايا وش يابيه
وش يعجب الباشا وكمان يعجب البيه
بقلم / رضا محمد حسب النبى
ليست هناك تعليقات:
إرسال تعليق