قاله عنه واد فلاتى
كل يوم سهران ليلاتى
قلبه ملهوش فيه عزيز
وانتى بالنسباله لزقه
زى لزقة الانجليز
خلى عندك يوم كرامه
ماانتى سامعه عنه يامه
عارفه إنه بتاع بنات
كل يوم عنده حكايات
قلت حبه جوه قلبى
لأجله هتحمل وخبى
لسه عندى ليه رصيد
عارفه إنه مهما شاف
بكره يرجع للكتاف
إلي شالت يوم همومه
لما يرجع مش هلومه
أصله عارف انى ليه
حب عمره مايلاقيه
مهما حب ومهما عاش
حبى غنوه متتنساش
كل شوقى وأمنياتى
يجيى واسهرله ليلاتى
وتبقى أجمل ذكرياتى
قصه أحكيها لبناتى
ع اللى كان أكبر فلاتى
ليست هناك تعليقات:
إرسال تعليق