بمناسبة حرب اكتوبر
أنا شاهد علي عبورك
لاني جندي ف اكتوبر
وانا خدمة علي سورك
وانا مصري وانا سوبر
أنا شاهد علي نصرك
لاني حتة جواكي
وفي كوخي وفي قصري
يامصر يابلدي محلاكي
أنا عاشق اغانيكي
يامصر ياحتة م الجنة
وروحي منورة بيكي
وشعبك حقه يتهني
وانا شاهد على حسنك
وحلوة المية من نيلك
جميلة الضحكة من سنك
وجوة النني بنشيلك
أنا شاهد علي جيلك
يلف الدنيا ويخطي
بيتغرب وبيجيلك
أوام يرسي علي شطي
نجيب محفوظ حكاويكي
وثومة تغني موالك
ودا درويش يغنيكي
وانا سجلت اقوالك
ولو تاه الجميع عنك
انا اشيلك علي راسي
كفاية تشعري إنك
أميرة والزمن عاصي.
تحياتي
شيخ السجالات
البدري زايد.
ليست هناك تعليقات:
إرسال تعليق