خلصت لعبتك
عامل برئ وبجد غلبان
صادق ياناس بجد انسان
مافيش زيه ف الوجود
والرقه مالياه والحنان
بطل ياناس في تمثيل
فاكر نفسك ف مسرح طويل
انت البطل وانا الجمهور
لأ وتمثيلك مالوش مثيل
واخد في حياتي ادوار كتير
بجد طلعت ممثل كبير
عرفت تخليني اصدقك
وتوهمني ان فيك الخير
خلاص خلصت المسرحيه
ومن التصفيق اتوجعت اديا
روح شوفلك حد غيري
طالما انت فنان ف الأذيه
لأني فهمت لعبتك
واكتشفت خلاص كدبتك
والكلام مابقاش يتصدق
حتي لو نزلت دمعتك
خلصت لعبتك
ليست هناك تعليقات:
إرسال تعليق