سيدنا النبي ياكحيل العين
جاني ربيع وانا كلي حنين
ياما كان نفسي علي الحرمين
ابقي مسافر من شهرين
واتمتع واشوف الزين
سيدنا النبي ياكحيل العين
سيدنا النبي بالحب انا جيت
وعشانكم والله غنيت
ورفعت ايديا ودعيت
إني احج وازور البيت
واما الشوق زاد بيا بكيت
سمعوا انيني وذاع الصيت
واما ف قربك رحت سعيت
قالها كياني قبل لساني
سيدنا النبي بالحب انا جيت
سيدنا النبي في الروضة معاك
قلبي اهو طاير جوة سماك
ومحضن علي جذع بكاك
ومحلق كدة ع الشباك
يتمني بالعين رؤياك
ويكون طول العمر هناك
سيدنا النبي في الروضة معاك
سيدنا النبي لو تسمح ليا
إني اقدم بس هدية
روحي وكل ما أملك هيا
ويا صلاتي وضي عينيا
يبقوا معايا صباح وعشية
وانول بيهم درجة علية
وتسلم طوالي عليا
سيدنا النبي لو تسمح ليا
سيدنا النبي في القلب يعيش
مولدك وانا وسط الدراويش
اللي عميد منهم وشاويش
واللي يهز هلال الجيش
واللي يوزع منهم عيش
والمليان وف قلبه مفيش
غير الحب وملح وخيش
وبيفطر أذكار وبيهتف
سيدنا النبي في القلب يعيش
سيدنا النبي مفتاح الجنة
هو أساس الدين والسنة
وف مولده انا باكتب واتمني
سيدنا النبي لو عايش بيننا .
واتمنالكو وكل إخوانا
إننا نحمي وطننا وديننا
يبقي أمان وصلاتنا عليه
راح تنجدنا وراح تسعدناش
سيدنا النبي مفتاح الجنة.
تحياتي
شيخ السجالات
البدري زايد.
ليست هناك تعليقات:
إرسال تعليق