لليان
********
هل علينا .......البدر وبان
واحنا معاكى........ يا لليان
والأحباب حوالين غُربالك
بيغنوا لك ......ع الألحان
أهلا أهلا.............. شرفتينا
يا اللى لحضنك ..شوقتينا
قلبنا شافك .. قبل عينينا
ومفصلك ......كام فستان
عِشنا شهور وشهور نٍستنى
طعم الفرحه ومسك الحٍنه
وقلوبنا......... الليله بتتهنى
بسبوع بنت.. الغاليه إيمان
أمك لما ...عيونها شافوكى
فٍرحت إنك.. أخت لأخوكى
وأجمل فرحة. لقلب أبوكى
اللى عليه.... الفرح أهو بان
ميت مليون مرحب بقمرنا
د اللى قدومه....... نور دارنا
ومعاه يحلى ف ليلنا هزارنا
مرحب مرحب........ يا لليان
تيته الليله ..الفرح اختارها
يسكن... نن عينيها ودارها
لما قالوا لها .......إن قمرها
جاى ومعاها..... أجمل لليان
********************
رضا أبوالغيط
ليست هناك تعليقات:
إرسال تعليق