اليــويــــــــو
..............
بتشكل فيا وبتغير
وبقيت في إيديك زي اليويو
وبعقلك انت اللى ح أفكر
واسقف زي ما بيقولوا
إزاي هتغير تكويني
وبطبعك انا إنسان متمرد
وهتفرض سيطك يمحيني
واتمسح فيك بقى واتودد
أرجوك افهمنى وفاهمنى
وبلاش أسلوبك يبدلني
أنا ليه كيان فيه بتمسك
مش ذلي معاك هيقويني
شخصيتي حاجة بتسعدني
وشروطك دي بتموتنى
مش فرض الرأي بيتحكم
أنا عايزك تقدر تشاركنى
من تاني بقولك ده كياني
الحب يكون فيه الباني
مش بس تحكم وأوامر
راح اكون لك وتكون علشاني
من حقي أعيشك واتملي
مش بس أوامر تتملى
من حقي تحسسني وجودي
من حقي معاك برضوا أتهنى
ليست هناك تعليقات:
إرسال تعليق