قصيدتى تتكلم عن سفر الابناء والالم الذى يشعر به الآباء بفراقهم
#نويت تسافر #
~~~~~~~
وهتسيبنى أقاسى
الحزن فى بعادك
ويفنى العمر وتوجع
قلبى بعنادك
ودمعى بالأسى نازل
ودوق المر بفراقك
هتاخد أيه من الغربه
غير المكتوب على جبينك
درب الكون مقسمها
وخلق الروح وعمره فيوم مايظلمها
ومين هيشلنى فى الكربه
وإن جه القدر مين هيفتح التربه
دنا يابنى مليش غيرك
وسر وجودى فى وجودك
وشهد العمر من جودك
دنا كبرت وليالى سهرت
وبعد ماكبرت الزرعه
تاخدها الغربه ليه منى
دنا وجودك مطمنى
وبعدك عنى يقتلنى
ياعود أخضر ياضى العين والننى
أنا خايفه تضيع منى
بخوفى عليك يزيد همى
أناجى طيفك ولا حتى يطمنى
وأنت بعيييييد من غير حدووود
أبعد مسااااااافر فى الوجود
ولا سؤال ولا خبر
ولا عارفه أمتى رااااح تعوووود
~~~~~~~~~~~~
ليست هناك تعليقات:
إرسال تعليق