فضفضة شعرية
ومضات شاعر
الشعر رسالة
...............
من فوق فضفضة الحروف
دبحت بإديا خروف
ورسمت من دمه اسامي وحروف
وفضلت اطوف علي طوفي،!
واسجل للناس كل حروفي
لابهنج ولا افيس ولاداعي لخوفي
الكلمه رساله ياإخواني
من سن البرجل واقلامي
الدفتر واقف قدامي،!
بيندهلي ويقولي تعالي
لوتكتب راح امليك اشعاري
اوعاك برسالتك تنساني
اوتضرب لفه وتغواني
وتكتب زي الناس الفييسه
اي كلام ويعلم ع الأخت نفيسه
تبقي التاج علي منشور اللبيسه
بتنصحني ياقلمي دا انت فاهمني
وعارفني اكتر من نفسي
دا العمر معاك ماقصفتك
ولا حتي ضيعت في لباستك
ولما الحبر بيخلص باجريلك
لو حتي ابزلك من دمي واجيلك
ماانت وريدي وحبل لأفكاري
وبصدق لما بتأمرني وباجري،!
وباقول للناس انك إنساني
الورقه معاك ينزل وحييي
يجيني الإلهام وافضل اضحي
مش باكتب سالب او فتحي
اوأسود وبلونه القمحي
اوأبيض والون علي فتحي
انا واضح بوضوح شمسي
اكتبني ياقلمي بلون وردك
وفصيلتك وبيوتك أصلك،
تنسج في حروفي بودك
من قلبي وهديل الينابيع تندهلك
ورسالتي ياقلمي في كراستك
مكتوبه بسنك ووريدي بيسمعلك
انا شاعرمن نوع تسمحلي اناديك
من فتحة فاهك وعنيك
راح اصدق كل اللي يقولوا عليك
ان كنت الجني اولحنك يناديك
اكتبني الشاعروسطرني سطورك
قلمي يحبك ويحن عليك
ولا عمري في يوم اقسي عليك
محمد زايد
ليست هناك تعليقات:
إرسال تعليق