الأربعاء، 25 سبتمبر 2019

بتعايرنى .......... للشاعر / ابراهيم دعبس

 

بتعايرني
( سحر الغنام بتقوللي استحالة اتجوزك انت عجزت و داخل علي الخمسين وانا لسة عندي خمسة وعشرين سنة ))
و بتعايرني بفرق بينا كام سنة
وناسية ليه اني المعلم ف الغنا
و انا الامير ابن الاصول ونا الجدع
منيش عجوز. انا لسة شاب و ربنا

هو الشباب ب السن يعني يا بشر
ولا السنين تخلي قلبي من حجر
كام شعرة بيضا عادي سهل تتصبغ
شغال و بجري وعندي عقلي معتبر

أنا الغرام وفي الكلام انا اعجبكِ
وع السرير انا واد خطير و يتعبك
و ابو الفنون صاحب عيون مشكلة
ميت الف حاجة يا حلوة فيا تحببك

انا الرجولة انا البطولة انا التاريخ
انا الادرجي و حلنجي وبرضو شيخ
دانا أحلي حد دا لو بتفهم في البشر
انا اللي زيي استحالة ف يوم يشيخ

ليست هناك تعليقات:

إرسال تعليق

فن البوستات كمال العطيوى