كتب إيهاب الشعراوي
بتحب فيها .......ايه ؟؟!!
ومتبت فيها ..... ليه ؟؟!!
بحب فيها الزمان
عينين بنت الجيران
أحلامنا واحنا عيال
عايشين خيال في خيال
زميلي والأستاذ
البنت والبلاص
نساعد الغلبان
نحس فيه الإنسان
بتحب فيها ايه ؟؟!
آكل شيبسي وبانية
أتمشي كدا على النيل
ذكرى الحب الأصيل
الأوبرا والأسدين
ع التاريخ شاهدين
اننا عاشقين
نعشق بنت الجيران
هي الحب الصريح
هي الروح والتاريخ
هي رد الجميل
هي الشوق والحنان
متبت فيها ليه ؟!
هي عروس النيل
فيها عبدالمطلب .. قنديل
والشمع والبواجير
فيها السبرتاية
فيها قهوة ع الريحة
هي عروس النيل جريئة وصريحة
فيها رجال شايلين
أحمال كدا سايرين
مكملين . صابرين
أيا عروس النيل
تيجى نتمشى ......
كدا ع النيل
ولا نروح الحسين
عارف متبت فيها ليه ؟؟!!
كل اللي ييجي ... ويمشي ... شارب من نيها
حالف كدا ييجي لها
نسايمها روايحها
أفراحها مجاريحها
كنايسها معابدها
آثارها مساجدها
وحتى نيلها
عاشق طريقها
ما هي عروس النيل
عروسة مدل لعة القناديل
فيها أبطال الحروب
فيها احمد زويل
عروسة مد دلعة
أوراق شجرها مفرعة
ليست هناك تعليقات:
إرسال تعليق