خد اللى تحبك. ٢٦/٩/٢٠١٩
..........................................
امى قالتلى ... زمان
خد اللى ..... تحبك
هتلاقى منها الامان
ومناها دوم جنبك
تهوى الرضا يرضيك
والشوق ماليها ليك
تعشق لكل ما فيك
بس بحلااااال ربك
أما اللى ... تهواها
تسقيك مرار آهه
إيشى وجع ف القلب
إيشى مرار م الغلب
تتمنى تدعى يارب
ياريتنى ... أنساها
من يوم ما حبيتها
وأنا اللى متعذب
وأستنى ضحكتها
قال يعنى مستعذب
ومهما ... أعديلها
برضوا ولا يعجب
أنا جبت أنا أخرى
خلاص نفد صبرى
احتار كمان امرى
وهخلى قلبى بلاها
يعيش برضوا الحياة
من يوم دا ما هواها
مشافشى غير الآه
فعلا صحيح يامه
خلاص اخر مره
الف ومتين رحمه
على روحك الطاهره
............................................
# محمد الشاذلى #
ليست هناك تعليقات:
إرسال تعليق