❤بائعة السعادة ❤
انا اللى طول عمرى حلوانى
لكن طعم المر فى لسانى
قلت ابيع السعادة الهم ينسانى
من اشترى سعيد و ساب لى احزانى
اضحك و القلب دقاته وجعانى
مكتوب علينا البكا و التنهيد
ما فرحنا حتى فى يوم العيد
الدموع قريبة و السعد بعيد
يا ربى إمتى ابقى سعيد
الدمع غلبنى و عزة نفسى منعانى
ليلى شاكى حالى سهران
أبكى من الأيام حيران
الشكوى لربى القادر المنان
الوش يضحك و القلب تعبان
خايف اشكى تكون عوازلى سمعانى
جرت قلمي الحزين
وردة اشرف
ليست هناك تعليقات:
إرسال تعليق