عبدك صبح حر
حبه كلام
حبه خداع متجمعين
كدب ونفاق
غش وريا على دمعتين
هو الخداع عندك دوا
ولا الهوي أصبح دوا
أصبح لزيك يتوصف
لمرض خطير
لو جيت اقولك ترحلي
تقوليلي
من الدنيا اشتريتك
وانت زيك زي كل الغشاشين
هو انتي اييه
مابتتعبيش
ولا الهوي بقا أكل عيش
قلوب المجروحين تشكي
وبالتأكيد
انتي بدموعها محستيش
ما انتي جبلا
زي عله
عايشه بحطام المدبوحين
وانا
ااه يا انا
ياللي هويتك من سنين
عارفك وحافظك صم
لكن دا قلبي انصم
عن الحقيقه المره لعنيكي الغشاشين
لكن لا
دا انا قلبي أصم مش نساي
هابعد بعيد عنك
ومهما تقولي
انا مش جاي
ولو حتي تقولي
صعيدي وجاي ع الحريم إزاي
كفايه يا سجن وانين
عبدك صبح حر
فك القيود
لأجل قلبه انضر
راجع يدوق الحلو بعد المر
راجع يقول الحب دا لعبه
مايقع فيها
إلا راجل حر
استعبدوه بالحب ناس وحشين
كتبو الكتاب والعصمه ف أيديهم
لآ طلاقه ينفع
ولا ف الهوي صالحين
وانتي ااهه من آهات فيا
مطلوبه تركع تحت رجليا
مكتوبه تبكي الدمع
لو حتي جنيه
في القلب ميه جنيه
ومش خاينين
ولا شفت عمري الخيانة
إلا من قلوب
واصلها طين
ياما كتير قالو حاسب منها
وعملت انا الأطرش
اخدك فوق السحاب
تحت القمر وافرش
عاملك ملاك
مايغلط ولا يكسف
وكنت احلف
أننا مش م البشر ولا كنا بنادمين
كنت خايف
ييجي يوم ما اقدر اصونك
حد يغويني واخونك
حد يلمس شعره منك
ولا حتي يشم عطرك
كنت خايف مره مني
على قلب عاشق ولهوايا امين
ملعونه ياللي بعشقك
قلب الحنان ولا ما تصونيش
ملعونه ياللي تتاجري بالحب
لو تكسبي هاتكوني خسرانه ومكسبتيش
ملعون يا قلب الحجر لو قلت أحبك
وجبت تقول متحبنيش
ملعونه ياللي خنتي الحب 100 لعنه
من لعنه الفراعين
ءءءءءءءءءء
عاطف الهواري
ليست هناك تعليقات:
إرسال تعليق