كلمة حر
********
الشعر كلمة حر
تدخل قلوب الناس
حروفه زي الدهب
تغلب كمان الماس
وأنا قلمي سيف بتار
في الحق يبقى رصاص
عمره ما كل في يوم
ولا قال لي كون لي مداس
رافع ريات العزم
والهمة والإخلاص
نزف معايا الألم
وكنت ليه المتراس
وف عز فرحي رقص
غنى القمر وناس
والنجم غاب في السما
وكأنه كان نبراس
دق الخطر اسمه
وكأن غيبه أساس
لأجل الجمل تكمل
والنبض يبقي أساس
تبقي الحروف بميزان
لازم يكون حساس
تكمل معاني الجمل
تدخل قلوب الناس
حنان الحسيني
ليست هناك تعليقات:
إرسال تعليق