لسه في وقت،،،
من زمان وأنا طفلة صغيرة
كان قلبي عصفور بريء
يرفرف بين ضلوعي
بيحلم كل يوم
كل يوم حلم جميل
كانت دائما أحلامي
للحب والخير
حلمت أن عندي
بيت كبير يساع
من الحبايب ألف
مكتوب على جدرانه
أوعى تبكي وتبات حزين
بيت مليان حب
تتسلق على جدراه
شجر اليلاب والفل
وزهور الياسمين
وحوليه بستان
مليان ورد وزهور
كلها الوان وعطور
تشرح القلب الحزين
حلمت إني أشتهر
زي ضوء الشمس
حلمت أن نوري
يغطي الليل الحزين
حلمت إن ضحكتي
تسعد ملايين
حلمت إن الدموع تبطل تسيل
حلمت إن الخضرة تغطي الأرض
حلمت أحلام كتيرة كتير
ولما كبرت كبر حلمي معايا
وكبر حبي جوايا
واتحول حلمي لحلم غيري
وراحت عزيمتي لتحقيق الحلم
للي جوه عيني
عشت احقق حلم غيري
بكل قوة وعزيمة
اتحملت حمل جبال من الصخر
اتحملت حزن مالهوش حد
راحت سنين عمري في
السهر والصبر
كبر الحلم اللي جوه القلب
وكبرت ورود روحي
ونورت دنيتي بضحكتي وفرحي
ونسيت دموعي ونوحي
دخل الفرح قلبي
مع مرور الوقت
نسيت اصل حلمي
تاه مع الدنيا
نسيت اصلان انا كنت
باحلم بايه
دلوقتي باحلم
نفسي السعادة تلمس
قلبي،
نفسي اعرف
نفسي قمتيها ايه
نفسي اعرف امتى
ارتاح بجد
بس على فكرة
نسيت اقول
في وسط زحمة الفكر
اتولد حلم جميل
جوايا،
باحلم اني اكون نفسي
اني الاقيها
بعد ماتهاهت مني
في بحور الزمن الغريقه
نفسي يتحقق حلمي انا
اصل تعبت من تحقيق
احلام الغير
ياتري في وقت
اقدر احقق حلمي بجد
بقلم عبير جلال
ليست هناك تعليقات:
إرسال تعليق