لو صحيح بتحبني
طاب هات اماره
تيجي عندي وتنحني
واهي دي الاشاره
قدم لي ورق يهمني
فوت ع الاداره
...
حبيبي سيبك
بلا حب و كبرياء
بلا عنطزه
وان حبك دا ارتواء
...بلا نرفزه
وان حبك حب عذري
بارض بكر
وان حبك ليا حصري
.. الف شكر
كل دا حوار قديم مشوار
وفاكس
وفات عليه مليون سنه
الحب حاله واد
مشاكس
واد ملوش ف المسكنه
طاب.. لو ده حبك ليه
تعاكس
وماسك لي ورده صغننه
....
منتاش بحبك عب حليم
حبيب حياتي..هصدقك
لست قلبي..لست ادري
جانا الهوي وكمان ليالي
منتاش خيالي
...
منتاش ف حبك
صوت حريم
..............راح احن ليه
....
طاب فوق يابيه
...
لو ان حبك دا صحيح
هات والدتك
خليك ف حبك واد فصيح
سمعني أيه ف فاتحتك
اكتب كتاب .. علّي الجواب
زغروده...هب اااااااا
معاد فرح
اتنين ف كوشه تلمنا
ونقضي ايامنا هنا
.....
غير كده
يبقي عايزلي حب ودباديب
ودندنه
ومسكنه.. وأنأنه..
ونقعد نحب عشرين سنه
فوق ياحبيبي
دا موش أنا
سمعني رنه خطوتك
مشوفشي تاني سحنتك
سكتي غير سكتك
اشوفك امس
......
سيف عثمان
ليست هناك تعليقات:
إرسال تعليق