السبت، 27 يوليو 2019

هسيبك ............للشاعر Samir Mahmoud

(هسيبك)
برغم ان قلبى ف قلبك يموت
ويعشق كلامك وحتى السكوت
وراضى ف غرامك بكل الشروط
هسيبك وهبعد لابعد مكان
لاخر حياتى لاخر الزمان!
..............
برغم انه عايش حياته عشانك
وضيع سنينه ف حبك وصانك
وعمره مافكر يفارق مكانك
هسيبك وهبعد لابعد مكان
لاخر حياتى لاخر الزمان!
.............
هسيبك لانى ف قربك قاسيت
وكام الف مرة بسببك بكيت
ياريتنى ياعمرى ما شوفتك ياريت
هسيبك وهبعد لابعد مكان
لاخر حياتى لاخر الزمان!
...........
هسيبك وهمحى شريط ذكرياتى
بحلوه بمره بفرحى واهاتى
هسيبك وهعلن بداية حياتى
هسيبك وهبعد لابعد مكان
لاخر حياتى لاخر الزمان!
...........
هسيبك مايمكن تداوى جراحك
وتنسى الامك وتنسى نواحك
ويمكن ف بعدى يكون ارتياحك!
هسيبك وهبعد لابعد مكان
لاخر حياتى لاخر الزمان!
#سميرمحمود
ربما تحتوي الصورة على: ‏‏‏٢‏ شخصان‏، و‏‏لقطة قريبة‏‏‏
في

ليست هناك تعليقات:

إرسال تعليق

الاشتراك في: تعليقات الرسالة (Atom)

فن البوستات كمال العطيوى