سلمت ازاي لكلام معسول
و ازاي الضلمة تشوفها نهار
فين عقلك كان و رضيت أحزان
والشوك بقى عندك أحلا مسار
بتحب الناس و ملان احساس
ليه سيبت الجنة و روحت النار
مين قالك عيش وسط الخفافيش
و خراب جواك و هموم و دمار
سلمت لمين .. كان عقلك فين
ما الكون حواليك مفيهوش أسرار
اتبعت بلاش من ناس أوباش
غيرك مالقاش لخداعه مزار
صدقني الخير لو تصبح غير
ربك نجاك من دا المشوار
بس ما تنساش وقت ما عداش
فكر بشويش و إياك تحتار
ارجع لكتاب فكرته عذاب
و اقرا المكتوب و ارضى الأقدار
الدنيا براح و القلب سماح
لو سيبته ارتاح هيكون لك دار
.....................
للشاعر / فهمي علي نصر
ليست هناك تعليقات:
إرسال تعليق