الأغنية الفائزة بالمركز الأول في ( مهرجان القاهرة التاني) ... للشاعر / حسن عمران

الأغنية الفائزة بالمركز الأول في ( مهرجان القاهرة التاني) 

من كلماتي وقد فازت عن لحن وغناء احمد ابراهيم..كان الكلام ده يا حضرات عام ١٩٩٦..خدوا بالكوا عام ١٩٩٦.. وشوفوا بقي الأغنية كانت بتقول إيه :

وانا طفل صغير احلامي.. 

لسه بتحبي مع ايامي .. 

كان جدي بيشغل ايامي ..

بحلاوة الحلم.. 

يحكي لي عن الحرب الاولي.. 

الحرب التانية.. 

وضماير دايما مشغولة.. 

أزاي يضحك هم الدنيا؟! ..

وحلمت بعالم فيه سعادة.. 

اكبر يكبر حلمي زيادة.. 

واسأل روحي بحكم العادة.. 

طب ليه الدم ؟! ..

ليه العالم احمر داكن؟! .

والخوف جواه عايش ساكن؟!

والأه تهزك يااماكن؟! ..

اه من الظلم!!.. 

اسئله جوايا بتتردد مابتتحدد.. 

وولادي محتاجه اجابة .. 

عن نفس الحلم!! 

حسن عمران