صباح الورد يا بلادى
صباح الورد يا بلادى
ولون الدم شئ عادى
بروحنا أحلفنا نفديكى
وصوت الظلم كان بادى
أنا بأهديكى نفسى شهيد
فى أول فجر يوم العيد
أنا عاشقك وعزمى حديد
وأموت وتعيشى يابلادى
ويا أخواتى قولوا ل أمى
تصلى عليا وتسمى
دى مصر الغاليه بتنادى
ومين فى الدنيا دى قدى
وفيت ب العهد وياها
ما أنا المتربى فى سماها
ومرسايا فى مرساها
وياما كتير شالت عنى
فكان واجب ألبيها
ودقه قلبى. تحميها
وأكبرها..... وأعاليها
وأصونها بروحى وبدمى
وقولوا ل أبنى ماتخفشى
وع الباطل ما تسكوتشى
وغير الحق ما تقولشى
وشيل الحمل يوم عنى
ومهماضعفت ماتسلم
ولو بكره تموت بعدى
وقولوا لصحبتى الحلوة
مابينا سنين كانت حلوة
بروحى هبقى وياكم
وهبقى الحن فى الغنوه
وهبقى مابينكوا حاسينى
كلمات الشاعر محمد ثروت
ليست هناك تعليقات:
إرسال تعليق