روحي للي كنتي فيه
كلمات
زغلول الطواب
يا ستي روحي لحالك
جايه عايزه مني أيه
إللي كان بيني وبينك راح
جايه دلوقتي
تخبطي على بابي ليه
أنا خلاص قفلت قلبي
جايه عايزه مني أيه
لا يا حبيبتي
خلاص مبقاش ينفع
مهما أعتذرتي
أسفك هيغير فيا أيه
صحيح كان قلبي بيحبك
كنت فاكر
مش هقدر أنسى حبك
وحياة إللي كان بينا
قلبي خلاص دلوقتي
ربنا وحده أعلم بيه
صدقيني من غير ما أحلفلك
خلاص قفل عليه بابه
وأرتاح من العذاب إللي كان فيه
إللي زيك
ملهاش أمان تستنى فيه
أنا إللي شوفته منك
ميتنسش حتى لو عملتي أيه
كفايه عليا خيانتك وكدبك
والوحل إللي أتمرمغتي فيه
روحي أبعدي عني
الله يسهلك
روحي دوري على حد غيري
يمكن يرضى بيه
جايه دلوقتي تصحي الجراح
بعد ما طاب جرحي
من إللي كنت فيه
روحي ياللي كنتي روحي
والله العظيم مش قابلك
ولا حابب حتى قلبي
إللي كان بيحبك
كرهتيني في الدنيا
والعالم وإللي فيه
خلاص مبقاش يا حبيبتي ينفع
الدلع والدلال والضحكه المايصه
روحي دوري على غيري
يمكن يرضى بيه
من النهارده ورايح
مش عايز أشوف وشك تاني
كرهتيني فيه بعد ما اتعودت عليه
روحي يللا وأبعدي عني
أنا خلاص قفلت عليا بابي
وتربست ألف قفل عليه
زغلول الطواب
ليست هناك تعليقات:
إرسال تعليق