كلامك ليا كان واصل
وده الحاصل
وانا اللى كلمتك ليا
دى عهد ووعد وبواصل
واقول لنفسى كام كلمه
وابعتلك شوق وغرام
من غير فاصل
وقلبى واخدنى واحساسى
وده حاصل
اتارى قلبى كان عندك
وانا مواصل
يقولك ع اللى بيحسه
ويرسم صوره موجوده
ف قلبى من زمان حاسه
حياتى كلها ملكك وانا لسه
فى الهوى دايبه ومش بقسى
واقول حبيبى اهه مستنى
فى المرسى
واخدنى هواك لبحر الشوق
ومش هنسى
ده قلبى فاكرك طول عمره
ولا يقسى
كلامك اصله يحلالى
وم الغالى
ومهما تقول كتير منه
على بالى
ولا بشبع ولا يخلص
كلامك ليا ياغالى
تقول الكلمه اكملها
واقول تانى
كلامك ليا دوا لعليل
وقول تانى
ومهما تقول كلامك ده
بيحلالى
واقول واردد فيه دايما
ويهنالى
ومها قولت لى من كلام
ماتقول تانى
كلامك ده شغل قلبى
ووجدانى
وهو السحر اللى تاثيره
ماينسانى
ولا يبطل تاثيره حتى لو
غيرت عنوانى
وقلبى بيتعلم منك الحنيه
وازاى ينسى
------------------------------------------
بقلمى/راوية حسن
ليست هناك تعليقات:
إرسال تعليق