اهداء إلى الفرعون المصرى
======
أهلا أهلا بابن الريف
عارف ربه قلبه نضيف
اللى يسبه قلبه يسامح
خالص النيه مش بالزيف
ايده نضيفه لسانه عفيف
حافظ دينه يراعى الضيف
رافع دايما راية بلده
بجد حقيفى مش تحريف
ويا الكوره سهم مخيف
طلع الأول فى التهديف
كل الناس دايما تدعيله
عدى وفوت انت الحريف
..................
أهلا أهلا بابن الريف
...................
فى العالميه ميه ميه
عنده جوايز لعب نظيف
الغربيه تهتف باسمه
يرد ببسمه ودمه خفيف
هو ابو مكه او مو صلاح
دايما بيحب الاصلاح
يعمل خير ما بيعلن عنه
تلاقيه دايما نسمة صيف
مصاحب كل ولاد الحاره
يقول لك ده أصلا تشريف
ربنا يحفظه يحميه لينا
صورته فى عين مبصر وكفيف
=======
#عونى_هشام
ليست هناك تعليقات:
إرسال تعليق