هو انت فاكره خلاص
دي البركه موجوده
افرح له وباخلاص
وبعوده وبعوده
رمضان حسابه خاص
وايامه معدوده
....
بيرق فيه القلب
م الطاعه وبيخشع
وبيرضي فيه الرب
كل القلوب تجمع
مع جلسه بالقران
ليها القلوب تسمع
تسمع.. وتتراضي
❤️❤️❤️❤️
قلوب بالحب فياضه
بتمطر هدر
نفوس راقيه ومزدانه
بسلامه صدر
وتقوي وطاعه وعباده
بقالنا شهر
لسان سهران بيسبح
ف ليله قدر
هتوحشنا
قوي يارمضان
......
هتوحشنا بصلاه مغرب
وصوت اذان
هتوحشنا تراويحك بصوت
رنان
حبيبنا يا اجمل ضيف
يا مسافر
لرب الكون باعمالنا
هتوحشنا
ورب الكون غفور غافر
كريم غفار
هتوحشنا
سحور تراويح صيام
وفطار
هتوحشنا
هتوحشنا قوي يا رمضان
......
كل سنه وحضراتكم بخير وسعاده وهنا ورضا من الله
....
سيف عثمان
29 رمضان1440
ليست هناك تعليقات:
إرسال تعليق