بقلم يوسف ونيس مجلع --- ايطاليا بريشيا
اصدقائى الاحباء كل عام و انتم طيبين و بخير و عيد سعيد على الجميع يارب من سلسلة
الكلمات الخفيفة كلمة بالعامية بعنوان -- كلمة باحبك دية --
************************
************************
بشويش بشويش عليا ------------------- متدوبنيش حنية
بالراحه عليا شوية ----------------- لا متلاقينيش ياعنيا
ماتهادنيش اغلى هدية ---------------- ميهمنيش الا هيه
كلمة باحبك دية---------------------- هى العيد والعيدية
------------------------------------------------------------
متوشوشنيش دية ودية --------------- مدوخنيش ملاغية
تدادينى و تذيد مدادية ------------- تودينى عيد دنيا هنية
تراضينى و دلع فية ------------ هاقول لك برضو شوية
عايزة باحبك دية----------------- دى هى العيد والعيدية
------------------------------------------------------------
تغازلنى ولهان برومانسية ----- بالنحوى و كمان بالعامية
و تحكيلى اشجان شوقك ليا --------- ما يسعدنيش الا هية
دى حياة الروح اللى فية --------- وحلاوة الدنيا فى عنية
همسة باحبك دية --------------- دى هى العيد و العيدية
-----------------------------------------------------------
ما تسئالنيش ايه بيا ------------- متكسفنيش بقى يا عنيا
ماهو رد مفيش على دية ----- واستحى اجاوب على دية
انا من غير باحبك دية ------------ وردة بعيد عن المية
حمامة تايهه عن الغية --------- دى هى العيد و العيدية
----------------------------------------------------------
متسحرنيش رقة و زوق-------- والعقل يطيش ما يفوق
متركبنيش جناح شوق-------- والقلب فى احلامه يسوق
لا اقع من فوق فوق---------- ملاقيش اللى يسمى عليا
كفاية عليا باحبك دية --------- دى هى العيد و العيدية
بقلمى يوسف ونيس مجلع
ليست هناك تعليقات:
إرسال تعليق