لسه فاكره ولسه برضه القلب فاكر
قد ايه الفكر كان حاير
زي موج بحر للشط ساير
شوية راسي وشوية راجع
وحكاية نزل عليها الستاير
انا قلت ابعد كفاية
بعد ما حسيت القلب منك فاتر
وكله باين مالرسايل
ماينفعش تبقي جمايل
ياتحبني حب فاير
بالشوق ويبقي جدايل
ياتبعد ومش مهم
نكون حبايب
والقلوب تبقي حتي ... نسايب
اوعي تفكر اني قليلة
ومن غيرك الحياة مستحيلة
اوعي تكدب ولاتبعد
وتقولي ماباليد حيلة
خلي اللي بينا ذكري جميلة
اتنين صدفة جمعتهم
وقدر بعد مابينهم ..
واصبحوا يادوب شعر بدفاتر
كلماتي ايمان محمد
ليست هناك تعليقات:
إرسال تعليق