العيد
-----------------------
من يومين كان عنّا بعيد...
النّهاردة اهو وصل العيد ..
جاي وجايب وياه فرحه
جاي يخلي الكل سعيد ...
****
أيوة جانا فى المواعيد
فرحانين والفرحة تزيد
والكل كبّر الله أكبر......
حتي اللبس لبسنا جديد
******
يلا هنّي جيران وأصحاب
عيدنا خلا الكل أحباب...
اللى مخاصمك روحله وصالحه
أيوه روحله لحد الباب
*****
خد أصحابك صلّوا العيد
والتكبير قول يلا وزيد
قابل النّاس وأنت بشوش
خلّي شيطانا يغور لبعيد
*****
إياك تنسي فقيرنا اليوم....
عايزينه يفرح فرحه تدوم
شاركه يلا فى يوم العيد...
ونشيل عنه اي هموم ....
*****
بعد صلاه وقيام وصيام
وطاعه وتواصل للأرحام
جانا عيدنا بفرحه كبيره
زي ماقال دينا الاسلام ......
*****
# بقلمي / رمضان عبد الله
كل عام والامه الاسلاميه فى خير
اللهم امين
ليست هناك تعليقات:
إرسال تعليق